Aǵymdaǵy jyldyń 5 shildesinde Elbasy «Advokattyq qyzmet jáne zań kómegi týraly» jáne «Qazaqstan Respýblıkasynyń keıbir zańnamalyq aktilerine advokattyq qyzmet jáne zań kómegi máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańdaryna (budan ári - Zań) qol qoıdy.
Atalǵan zańdar azamattardyń bilikti zań kómegin alý kezindegi konstıtýsııalyq quqyǵyn iske asyrýda olardyń quqyqtaryn, bostandyqtary men zańdy múddelerin qorǵaýdy nyǵaıtýǵa, sondaı-aq bilikti zań kómegin kórsetý mehanızmderin jetildirýge baǵyttalǵan.
Zańmen azamattardyń konstıtýsııalyq quqyqtaryn júzege asyrýǵa jáne kelesi máselelerdi sheshýge baǵyttalǵan birqatar sharalar kózdelgen:
- zań kómegin zańger mamandarynyń ókilderimen jetkiliksiz sapada kórsetý;
- azamattardy josyqsyz advokattar men jeke tájirıbemen aınalysatyn zańgerlerdin áreketterinen qorǵaý mehanızminiń bolmaýy;
- bilimniń jyldam eskirýi jáne biliktilikti turaqty kóterý qajettiligi;
- advokattardyń tapshylyǵy;
- advokattar alqalarynyń qyzmetinde ashyqtyq pen aıqyndyqtyń bolmaýy.
Atap aıtqanda, zań kómegin kórsetetin sýbektilerdiń jaýapkershiligin kóterý maqsatynda sapasyz zań kómegin kórsetkeni úshin olardy jaýapkershilikke tartý tártibi qaıta qarastyryldy.
Zańmen quramynda 6 advokat, qoǵamnyń 3 ókili jáne otstavkadaǵy 2 sýdıa bar tártiptik komıssııalardyń eki deńgeıli júıesi kózdelgen, bul azamattardyń shaǵymdaryn obektıvti jáne jan-jaqty qarastyrýdy, ashyqtyq pen aıqyndyqty qamtamasyz etedi.
2020 jyldan bastap advokattardyń, zań konsýltanttarynyń kásibı jaýapkershiligin mindetti saqtandyrý engiziledi, bul senim bildirýshilerge bilikti zań kómegin alýǵa jáne sapasyz zań kómegi kórsetilgen jaǵdaıda keltirilgen zııandy óteýge kepildik beredi.
Advokatýranyń sapaly quramyn jaqsartý maqsatynda Zań normalarymen advokattardyń jylsaıyn biliktiligin mindetti arttyrý mehanızmi kózdelgen, bul nátıjesinde advokatpen kórsetiletin qyzmetterdiń sapasyn jáne básekege qabilettiligin jaqsartýǵa sebep bolady.
Advokat mamandyǵyna qol jetimdiligin, tıisinshe advokattar arasyndaǵy básekeniń kóterilýin jáne advokattardyń qataryna jas zańgerlerdiń qosylýyn qamtamasyz etýge múmkindik beretin bastapqy nysanaly jarna túrindegi múliktik kedergini alyp tastaý kózdeldi.
Zańmen áleýmettik jáne qarjylyq qıyn jaǵdaıdaǵy azamattar úshin advokattan nemese zań konsýltanttarynan, óziniń quqyqtyq jaǵdaıyn tolyq súıemeldeýmen aqysyz zań kómegin alý kózdelgen
Halyqty habardar etý jáne ádil baǵa qalyptastyrý maqsatynda, advokattyń jáne zań konsýltanttarynyń qyzmetine (qyzmet túrleri boıynsha) tólenetin ortasha aqy engizý kózdelgen. Osy aqparat advokattar alqalarynyń jáne zań konsýltanttary palatalarynyń saıttarynda ashyq qol jetkizýge ornalastyrylady, bul azamattarǵa qyzmettiń ortasha baǵasyn anyqtaýǵa jáne ony asyryp kótermeleýine jol bermeýge múmkindik beredi.
Sonymen qatar, zańnama turǵysynan jeke tájirıbemen aınalysatyn zańgerlerdiń quqyqtyq mártebesi, quqyqtary men mindetteri bekitiledi. О́zderińiz biletindeı, búgingi tańda sotta azamattyń múddesin joǵary zań bilimi bar kez kelgen adam bildiredi, osy rette osyndaı kómek jıi sapasyz kórsetiledi. Sondyqtan, sotta azamattardyń múddesin bildiretin tulǵalar úshin zań konsýltanttar palatasynyń múshesi bolý mindeti kózdelgen, bul sózsiz Qazaqstandaǵy zań qyzmetterin kórsetý naryǵynyń damýyna, zań kómeginiń sapasyn jáne básekege qabilettiligin kóterýge sebep bolady.
Budan basqa, advokattar jáne zań konsýltanttarynyń ózara, advokattar alqalarymen, zań konsýltanttar palatalarymen, memleketpen qarym-qatynasyn retteýge múmkindik beretin zań kómegi aqparattyq júıesin engizý arqyly advokattar men zań konsýltanttarynyń qyzmetin avtomattandyrý jáne ońtaılandyrý usynylady.
Zań negizgi maqsaty zań kómeginiń ashyqtyǵyn, ádildigin jáne sapasyn kóterý bolyp tabylatyn birqatar basqa da jańashyldyqtardy qamtıtynyn atap ótken jón.
Jalpy aıtqanda, Zań normalary halyqqa joǵary biliktiligi bar mamandarmen sapaly jáne qol jetimdi zań kómegin kórsetýge baǵyttalǵan.
Zańdy qabyldaý teris áleýmettik-ekonomıkalyq saldarlarǵa ákelmeıdi, sondaı-aq memlekettik bıýdjetten qosymsha qarjy shyǵyndaryn talap etpeıdi.
